BMT bosh kotibi: Dunyodagi har uchinchi ayol zo‘ravonlikka duch kelmoqda

Dunyodagi har uchinchi ayol jismoniy yoki jinsiy zo‘ravonlikka duch kelmoqda. Bu haqda BMT bosh kotibi Antoniu Guterrish ma’lum qildi, deya xabar beradi “Korrespondent.net”.

“Har uchinchi ayol dunyo bo‘ylab u yo bu shaklda jismoniy yoki jinsiy zo‘ravonlikka to‘qnash kelmoqda. 750 million qiz 18 yoshga to‘lguncha turmushga chiqmoqda. 250 milliondan ortiq qiz jinsiy organlarda majruh qiluvchi operatsiyalarga majburlanmoqda”, — dedi xalqaro tashkilot bosh kotibi.

Guterrishga ko‘ra, jinsiy zo‘ravonliklar ayniqsa qurolli mojarolar hududida keng tarqalgan.