Uber ma’lumotlarining sizishida rossiyalik xakerlarni ayblashmoqda

Uber’ning minglab foydalanuvchilari o‘z akkauntlari rossiyalik xakerlar tomonidan buzib kirilganini aytmoqda, deb xabar beradi “Gazeta.ru”.

Ular o‘zi bormagan Moskva va Peterburg safari uchun rublli to‘lov varaqalarini olgan.

Ma’lumotlarga ko‘ra, 800 dan ortiq britaniyalik va amerikaliklar Twitter’da Uber’dagi ma’lumotlari o‘g‘irlanganidan shikoyat qilgan. Biroq buzib kirilgan akkauntlar soni bundan ham ko‘proq bo‘lishi mumkinligi aytilmoqda.

Foydalanuvchilarning fikricha, ularning shaxsiy akkauntlaridagi ma’lumotlar darknet orqali sotilgan.