Misrdagi masjidda portlash ro‘y berdi. OAV 50 qurbon haqida ma’lum qildi

Misrda, Sinay yarim orolining shimolida portlash ro‘y berdi. Bu haqda “RIA Novosti” xabar bermoqda.

Portlash al-Arish shahri yaqinidagi masjidda amalga oshirildi. Terrorchilar juma namozi chog‘ida hujum uyushtirdi.

“Masdar” portali xabariga ko‘ra, terakt oqibatida 50 kishi halok bo‘lgani taxmin qilinmoqda.

Shu bilan birga, mahalliy “al-Ahram” gazetasida yozilishicha, hujum qurbonlari yo‘q, lekin 70 kishi yaralangan.

Yaralanganlar shifoxonaga yetkazilmoqda.

Reuters’ga ko‘ra, portlash amalga oshirishdan tashqari, terrorchilar namozga to‘planganlarni o‘qqa tutgan.