Chilonzorda fohishaxona saqlagan erkakka nisbatan jinoiy ish qo‘zg‘atildi

Toshkent shahrining Chilonzor tumanida fohishaxona saqlash holati aniqlandi. Bu haqda Toshkent shahar IIBB matbuot xizmati ma’lum qildi.

22-noyabr kuni taxminan soat 16:30 da o‘tkazilgan tezkor tadbir davomida Sayfiddin Ilhomov (ism-shariflar shartli) Chilonzor tumani, 5-13-2 xonadonda 100 ming so‘m evaziga jinsiy aloqa uchun sharoit yaratib berganligi aniqlandi.

Mazkur holat yuzasidan Chilonzor tumani IIB huzuridagi tergov bo‘limi tomonidan JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.