Qozog‘istonda “Gazel” va teplovoz to‘qnashuvida to‘qqiz kishi halok bo‘ldi

Qozog‘istonning Mang‘istau viloyatida temir yo‘lni kesib o‘tish joyida teplovoz va “Gazel” avtomobili to‘qnashib ketdi. Buning oqibatida to‘qqiz kishi halok bo‘ldi, deb xabar beradi “TASS”.

To‘qnashuv 25-noyabr kuni kechki soatlarda ro‘y bergan edi.

Janaozen shahri prokuraturasi ma’lumotiga qaraganda, jami 36 kishi jabrlangan, shulardan to‘qqiz nafari jon bergan, 27 kishi reanimatsiyada.

Jabrlanuvchilar orasida uch bola bor.