Mugabe 93 yoshda qishloqda yangi hayot boshlamoqchi

Zimbabvening sobiq prezidenti, 93 yoshli Robert Mugabe qishloqda yangi hayot boshlab, fermerlik bilan shug‘ullanmoqchi. Bu haqda uning jiyani Leo Mugabe AFP’ga ma’lum qildi, deb xabar beradi “RIA Novosti”.

“U yaxshi. U bilan ko‘rishdim, u ancha hayotdan xursand. U yangi hayotni sabrsizlik bilan kutmoqda, qishloqdagi uyda yashab, dehqonchilik bilan shug‘ullanmoqchi”, — dedi Leo Mugabe.

Uning so‘zlariga qaraganda, sobiq prezidentning rafiqasi Greys Mugabe u bilan birga. U Robert Mugabe nomidagi universitet qurilishi ustidagi ishlarni davom ettirish niyatida.

Muqaddam Mugabe o‘z ixtiyoriga ko‘ra prezidentlikdan ketgani uchun 10 million dollar miqdorida tovon puli olishi ma’lum bo‘lgan edi.