Jeenbekov o‘z va’dasida turib, Atamboyevni Qirg‘iziston qahramoni unvoni bilan taqdirladi

Almazbek Atamboyevga Qirg‘iziston Respublikasi Qahramoni unvoni berildi, deb yozadi KNews prezident matbuot xizmatiga tayanib.

Sooronbay Jeenbekovning farmoniga kora, xalq oldidagi xizmatlari, Qirg‘iziston davlat mustaqilligini mustahkamlashga, xalq birligiga, mamlakatdagi tinchlik va totuvlikka qo‘shgan hissasi, shuningdek, ko‘rsatgan siyosiy irodasi va jasorati uchun Almazbek Atamboyevga oliy darajali “Qirg‘iziston Respublikasining Qahramoni” ordeni “Oq shunqor” maxsus ko‘krak belgisi bilan birga berildi.

Eslatib o‘tamiz, inauguratsiya kuni Qirg‘izistonning yangi prezidenti Sooronbay Jeenbekov o‘zidan avvalgi prezident — Almazbek Atamboyevni respublika qahramoni unvoni bilan taqdirlashga va’da bergan va bu uning davlat rahbari lavozimidagi birinchi farmoni bo‘lishini aytgan edi.