Singapurda tofu qoldiqlaridan alkogol ishlab chiqarildi

Singapur milliy universitetida tofu ishlab chiqarishda qoladigan qoldiqlardan alkogolli ichimlik yaratildi. Bu haqda The Drinks Business xabar berdi.

Ixtiro sachi deb nomlangan bo‘lib, “baxt”, “saodat” degan ma’noni anglatadi. Ichimlikni ishlab chiqarish uch hafta vaqt oladi. Universitet xodimlarining aytishicha, ichimlikdan yapon milliy ichimligi hisoblangan sake bilan birga meva ta’mi keladi. Yangi ichimlikning alkogol darajasi ma’lum qilinmagan.

Endi olimlar sachi’ni ishlab chiqaruvchi kompaniyani izlamoqda.