Britaniyaning sobiq vaziri hukumatning Brexit bo‘yicha muzokaralarga tayyorgarligini tanqid qildi

Buyuk Britaniyaning xalqaro rivojlanish bo‘yicha sobiq vaziri, mamlakat parlamenti deputati Priti Patel hukumatni Brexit bo‘yicha muzokaralarga yetarlicha tayyorgarlik ko‘rmagani uchun tanqid qildi. Bu haqda “RIA Novosti” xabar bermoqda.

“Hukumat muzokaralarga tayyorgarlik nuqtai nazaridan yomon qurollangan. Barchasi ideal holatdan ancha yiroq”, — dedi sobiq vazir.

Siyosatchilar 45 yoshli Patelni tori partiyasining yangi yulduzi va bosh vazirlikka bo‘lajak asosiy nomzodlardan biri sifatida ko‘rmoqda.

Ma’lumot uchun, Buyuk Britaniya bosh vaziri Tereza Mey yaqin orada Yevroittifoq bilan Brexit bo‘yicha navbatdagi muzokaralarga kirishadi.