40 yoshdan keyin qomatni saqlab qolish mumkinmi?

Kishi ulg‘aygani sari qomatni saqlash ham qiyinlashib boradi. Biroq mutaxassislar 40 yoshdan keyin ham sarvqomat bo‘lib qolish mumkinligini ta’kidlamoqda. Quyida buning ba’zi usullarini keltirib o‘tamiz.

Amerikalik olimlar tomonidan o‘tkazilgan keng ko‘lamli tadqiqotlar uyqu yetishmasligi ortiqcha vazn paydo bo‘lishiga olib kelishini ko‘rsatdi. 40—50 yoshli kishilar uchun me’yoriy uyqu davomiyligi 7—8 soatni tashkil etadi, va asosiysi, ushbu uyqu sifatli bo‘lishi kerak.

Yosh kattaroq bo‘lganida gavdani tutishga yordam beradigan jismoniy mashqlarni tanlash kerak. Zero ichki organlar salomatligi ham, tashqi ko‘rinish ham tayanch-harakat tizimi ishiga bog‘liq. Tik qad, kerilgan yelkalar va yengil qadamlar har qanday gavdaga ayollik nazokatini beradi.

Yosh o‘tgan sari vaznni kamaytirishning standart usullari kamroq ish bera boshlaydi. 40 yoshda gormonal fon o‘zgaradi, bu vazn tebranib turishiga sabab bo‘ladi. Bu davrda doimiy vaznni saqlab qolish, va ayniqsa, ozish qiyinlashadi.

Ekspertlar oziq-ovqat ratsionida quyidagi chora-tadbirlarni qo‘llashni tavsiya etadi:

Buning uchun chiroyli qilib dasturxon bezang, sevimli taomlaringizni torting, ulardan to‘yguningizcha yeng. Yeb bo‘lgach esa boshqa huzur-halovatlarni qidirishni boshlang. Yaqin kishilaringiz bilan vaqt o‘tkazing, bog‘da sayr qiling, qushlar sayrashiga quloq soling, tikish-bichish qiling, rasm chizing, yangi atir sotib oling. Asosiysi, jismingiz olamda ovqatdan boshqa yoqimli narsalar ko‘pligini his qilsin.