Yaman moliya vazirligi binosi yaqinida portlash yuz berdi, 2 kishi halok bo‘ldi

Yaman janubidagi Adan shahrida joylashgan moliya vazirligi binosi yaqinida avtomobil portlatildi. Bu haqda “TASS” xabar bermoqda.

Reuters manbalariga ko‘ra, hodisa oqibatida kamida 2 kishi halok bo‘ldi, yana 3 kishi og‘ir jarohatlandi. Portlash hududida otishma yuz bergan.

Portlash vazirlik binosiga jiddiy zarar yetkazdi, yaqin atrofdagi imoratlarni ham shikastladi.

Hodisa uchun javobgarlikni hozircha mintaqadagi guruhlardan hech biri zimmasiga olmadi.