Bitkoin kursi 11 ming dollardan oshdi

Coinmarkercap birjasida asosiy kriptovalyuta — bitkoin kursi 11 ming dollardan oshdi. Bu haqda “Kommersant.ru” xabar bermoqda.

Kun davomida kuzatilgan maksimum 11136 dollarni tashkil etdi. Ayni paytda, Coindesk birjasida kriptovalyuta kursi 10926 dollarni tashkil etdi.

Kriptovalyutaning dasturiy kodi osonlashtirilishi haqidagi xabarlardan so‘ng uning kursi yana o‘sish namoyish etishda davom etmoqda. Kecha, 28-noyabr kuni tarixda birinchi marta bitkoin kursi 10 ming dollardan oshgan edi.