Rossiyalik kosmonavt Orol dengizining koinotdan olingan suratini taqdim etdi (foto)

Rossiyalik kosmonavt Sergey Ryazanskiy Orol dengizining koinotdan olingan suratlarini Facebook sahifasida e’lon qildi.

“Ko‘pchilik mendan Orol dengizini suratga tushirishni so‘radi. Yaqinda Orol kameram obyektiviga tushib qoldi, aniqrog‘i undan qolgan ko‘rinish...Axir, u quriy boshlagunga qadar kattaligi bo‘yicha dunyodagi to‘rtinchi ko‘l hisoblanardi!”, — deb yozdi kosmonavt.

Avvalroq, Sergey Ryazanskiy Toshkent shahrining koinotdan olingan suratlari bilan bo‘lishgan edi.