Ukrainada sud zalida ikkita granata portlashi oqibatida ikki kishi halok bo‘ldi

Ukrainaning Dnepropetrovsk viloyati, Nikopol shahrida o‘tayotgan sud majlisida ikkita granata portlatib yuborildi. Bu haqda “Gazeta.ru” xabar bermoqda.

Politsiya ma’lumotlariga qaraganda, sudda 2016-yili sodir etilgan qotillik ishi ko‘rib chiqilayotgan edi. Sud zalida o‘ldirilgan shaxsning otasi ham bor edi. U ikkita granatani portlatib yubordi. Buning oqibatida ikki kishi halok bo‘ldi, o‘nga yaqin odam yaralandi.

Yaralanganlar orasida sudlanuvchilar va konvoirlar bor.

Yaradorlar shifoxonaga yotqizildi. Ulardan ikkitasiga operatsiya talab qilindi.