Isroillik arxeologlar uchuvchisiz uchar qurilma yordamida qadimiy saroyni topdi

Isroillik arxeologlar uchuvchisiz uchar qurilma yordamida harbiy poligon o‘rtasida tosh inshoot qoldiqlarini topdi. U qadimiy idumey xalqi ibodatxonasi yoki saroyi bo‘lishi mumkin, deb yozadi “RIA Novosti”.

Tadqiqotchilar topilma yoshini 2,2 ming yilga baholamoqda va u Yaqin Sharq sarkarda Aleksandr Makedonskiy avlodlari o‘rtasida bo‘lib olingan ellinizm davriga taalluqli deb hisoblamoqda.

“Agar bu haqiqatan ham idumeylar saroyi yoki ibodatxonasi bo‘lsa, biz noyob topilmaga duch kelganmiz. Mamlakat bo‘ylab bunday obyektlarni bir qo‘l barmoqlari bilan sanash mumkin”, —  deydi qazilmalar rahbarlari Oren Gatfeld, Pablo Betser va Mixal Xaber.

Olimlar inshoot qasddan vayron qilinganligini taxmin qilmoqda. Bu, ehtimol, zamonaviy Isroilning janubiy qismida joylashgan hudud iudeylar tomonidan bosib olinganda yuz bergan.

Olimlar qadimiy inshootni fotoapparaturali uchuvchisiz uchar qurilma yordamida topgan.