Shahzoda Garri va Megan Marklning to‘yi sanasi ma’lum bo‘ldi

Shahzoda Garri va amerikalik aktrisa Megan Marklning to‘yi 2018-yilning 26-may sanasida bo‘lib o‘tadi. Bu haqda Meduza xabar bermoqda.

Avvalroq Britaniya qirollik oilasi Garri va Meganning to‘yi may oyida bo‘lib o‘tishini ma’lum qilgan edi, biroq to‘y sanasiga oydinlik kiritilmagan edi.

Nikoh Vindzor qal’asidagi Muqaddas Georgiy ibodatxonasida bo‘lib o‘tadi.

Britaniya taqvimiga ko‘ra, 28-may, dushanba — dam olish kuni. Shu tarzda britaniyaliklar shahzodanining to‘yini ketma-ket uch kun nishonlay oladi.