Hindiston 6 ta atom suv osti kemasini yaratish bo‘yicha loyihani ishga tushirdi

Hindiston 6 ta atom suv osti kemasini yaratish bo‘yicha loyihani amalga oshirishga kirishdi. Bu haqda mamlakat harbiy-dengiz kuchlari rahbari Sunil Lanba ma’lum qildi, deb xabar beradi “Korrespondent.net”.

“Biz oltita atom submarinasini qurish loyihasini ishga tushirdik. Boshqa hech narsa deya olmayman, chunki bu maxfiy loyiha”, — dedi Lanba Nyu-Dehlidagi matbuot anjumani chog‘ida.

Admiral shu tariqa mamlakat harbiy-dengiz kuchlarining Hindiston o‘z dengiz hududida to‘qnash kelayotgan tahdidlarni qaytarish istiqbollariga izoh berdi.