Moskva: Liviyaga harbiy kontingent kiritish haqida gapirishning mavridi emas

Moskva Liviyaga harbiy kontingent kiritish zarurligi haqidagi gapirishning mavridi emas, deb hisoblaydi. Bu haqda Rossiya TIV Liviya bo‘yicha kontakt guruhi rahbari Lev Dengov ma’lum qildi, deb xabar beradi “RIA Novosti”.

“Suveren davlat ishlariga har qanday aralashuvni qabul qilib bo‘lmaydigan holat, xalqaro huquq me’yorlarining buzilishi deb hisoblaymiz. Shuningdek, aynan Liviya ichki ishlariga xorijiy harbiy aralashuv mamlakat bugungi kunda jiddiy muammolarga duch kelayotganiga sabab bo‘ldi, deb hisoblaymiz”, — dedi Dengov.

Rossiya TIV vakiliga ko‘ra, Liviyaga harbiy kontingent kiritilishi BMT Xavfsizlik kengashi roziligini talab qiladi.