6,5 dyuymli romsiz ekranli “kelajak iPhone”i tasvirlari paydo bo‘ldi (foto)

Internetda 6,5 dyuymli “kelajak iPhone X”ining konseptual tasvirlarining bir yo‘la bir nechta seriyasi paydo bo‘ldi. Ulardan ikkitasiga Benjamin Geskin mualliflik qilgan bo‘lsa, boshqalari Techno Buffalo dizaynerlari tomonidan yaratildi, deb yozadi Hi-Tech Mail.Ru.

Geskin o‘z Twitter’ida 6,5 dyuymli iPhone’ni iPhone X va iPhone 8 Plus bilan taqqosladi. 5,8 dyuymli yetarlicha katta OLED-displey ancha yirikroq qurilmaga qaraganda juda kichik bo‘lib ko‘rinib qolgan.

Mock-up of rumored iPhone 2018 OLED model with 6.5-inch display. Compared to iPhone X and iPhone 8 Plus. pic.twitter.com/kwNbwHn28e

— Benjamin Geskin (@VenyaGeskin1) November 30, 2017

Ayni vaqtda 5,5 dyuymli ekrani sharofati bilan ancha yirik qurilma hisoblanadigan iPhone 8 Plus 6,5 dyuymli iPhone’dan biroz kichikroq. Ko‘pchilik foydalanuvchilar Apple X ekranining hajmini optimal deb topdi, ammo uni kattalashtirishga qarshi bo‘lmaganlar ham kam emas.