Londonda Pol Makkartniga tegishli Aston Martin salkam 2 mln dollarga sotildi

The Beatles guruhi xonandasi Pol Makkartniga tegishli Aston Martin DB5 Londondagi Bonhams auksion uyi savdolarida 1 million 345 ming funt sterlingga (1 million 812 ming dollar) sotildi. Bu haqda “TASS” xabar bermoqda.

Avtomobil 1964-yilda ishlab chiqarilgan. Uning raqam belgisida (64 MAS) mazkur sana va mashhur qo‘shiqchi familiyasining dastlabki harflari aks ettirilgan.

Bonhams auksioniga guruh bilan bog‘liq yana bir mashina qo‘yildi. Avvaliga The Beatles menejeri Brayan Epstayn, so‘ng zarbchi Ringo Starr boshqargan, 1966-yilda chiqarilgan Austin Mini Cooper 102 ming funt sterlingga (138ming dollar) xaridorini topdi.