Turkiya Isroil bilan diplomatik aloqalarni uzishi mumkin

Agar AQSh prezidenti Donald Tramp Quddusni Isroil poytaxti deb tan olsa, Anqara Tel-Aviv bilan diplomatik aloqalarni uzadi. Bu haqda Turkiya prezidenti Rajab Toyyib Erdo‘g‘on bayonot berdi, deb xabar qiladi EADaily.

Erdo‘g‘onning so‘zlariga qaraganda, Quddus musulmonlar uchun o‘ziga xos qizil chiziqdir. U AQShning bunday qarori nafaqat xalqaro huquqning buzilishi, balki inson vijdoniga zarba ham bo‘ladi deb hisoblaydi.

Tramp Quddusni Isroil poytaxti deb tan olishi mumkinligi haqidagi xabardan so‘ng Turkiya bunga norozilik bildirdi. O‘z munosabatlarini Falastin va Fransiya rasmiylari ham oshkor etdi.