Tramp 2018-yil boshida tibbiy tekshiruvdan o‘tadi

AQSh prezidenti Donald Tramp 2018-yil boshida tibbiy tekshiruvdan o‘tadi va shifokorlarga uning natijalarini e’lon qilishga ruxsat beradi. Bu haqda Oq uy matbuot kotibi Sara Sanders ma’lum qildi, deya xabar beradi “RIA Novosti”.

Candersga ko‘ra, Tramp Merilend shtatidagi Uolter Rid nomli milliy harbiy-tibbiy markazda tekshiruvdan o‘tadi.

“Ma’lumotlar mazkur jarayondan so‘ng e’lon qilinadi”, — ta’kidladi Oq uy matbuot kotibi.

Oxirgi paytlarda Trampning salomatligi borasida savollar yuzaga kela boshladi. U o‘tgan oyda ikki bor Oq uydagi chiqishini bo‘lishga majbur bo‘lgandi.