Tailanddagi ko‘chalardan birini yuzlab maymunlar bosib ketdi (video)

Tailand shaharlaridan biridagi ko‘chani kutilmaganda yuzlab qo‘rqib ketgan makakalar to‘ldirdi. Jonivorlar bayram mushakbozliklaridan qo‘rqib ketib, o‘zlari yashaydigan ibodatxonadan qochib ketgan, deb yozadi “Vesti.ru”.

5-dekabr kuni Lopburi shahrida olingan videoda maymunlar mashinalarga xalal bergan holda yo‘llarda yugurib yurganini ko‘rish mumkin. Hodisani mahalliy aholi qiziqish bilan kuzatmoqda.

Video muallifi so‘zlariga ko‘ra, jonivorlar “maymunlar ibodatxonasi” deb ham ataluvchi Pxra Prang Sam Yod ibodatxonasida yashaydi. Ammo mamlakatda nishonlangan Otalar kuni munosabati bilan mushaklar otilishi tufayli maymunlar qo‘rqib ketib, har tarafga tarqalib ketgan.