Apple 400 million dollarga Shazam’ni sotib oladi

Amerikaning Apple korporatsiyasi musiqiy kompozitsiyalarni aniqlashga ixtisoslashgan Shazam servisini sotib olishga qaror qildi, deb xabar berdi Recode.

Xabar berishlaricha, bitim keyingi hafta e’lon qilinadi. Ma’lumotlarga ko‘ra, Apple kompaniyasi Shazam’ni 400 million dollarga sotib olmoqda. Avvalroq, servis milliard dollarga baholangan edi.

Ikkala kompaniyaning vakillari ham hozircha ushbu xabarga izoh bermadi.

Shazam’ni Snapchat messenjeriga egalik qiluvchi Snap kompaniyasi ham sotib olmoqchi bo‘lgan, biroq Apple foydaliroq taklif bilan chiqqan.