Moskvaning Ramenskoye tumanidagi savdo markazida ro‘y bergan yong‘inda o‘zbekistonlik ikki ayol va bir erkak halok bo‘ldi

Moskva viloyatining Ramenskoye tumanidagi yong‘inda o‘zbekistonlik ikki ayol va bir erkak halok bo‘ldi. Ofat oqibatida yana besh kishi jabrlandi. Bu haqda “Nuz.uz” xabar bermoqda.

Tumandagi “Aist” savdo markazida yong‘in 8-dekabr, juma kuni ertalab ro‘y berdi. O‘t o‘chiruvchilar alangani yarim soatda bartaraf etishga muvaffaq bo‘ldi, biroq olov 40 kvadrat metrni qamrab olishga erishdi.

Do‘kon xodimi bo‘lgan uch qurbonning ismi-sharifi hozircha ma’lum emas. Mazkur holat bo‘yicha jinoiy ish qo‘zg‘atildi va tergov olib borilmoqda. Yong‘in ro‘y bergan binoni ijaraga olgan tadbirkor hibsga olindi.