Hindistonlik politsiyachi to‘rt nafar xizmatdoshini otib tashladi

Hindistonning Bijapur shahrida politsiyachi hamkasbi bilan janjaldan so‘ng unga qarata o‘t ochdi. Bu haqda, Indian Express nashriga asoslanib, “RBK” xabar bermoqda.

Otishma oqibatida to‘rt politsiyachi halok bo‘ldi, bir nafari yaralandi.

Voqea 9-dekabr kechasi politsiya uchastkasida ro‘y berdi. Ixtilofdan so‘ng politsiyachilardan biri avtomatni olib, idorada to‘plangan hamkasblarini o‘qqa tutdi. To‘rt kishi voqea joyida hayotdan ko‘z yumdi.

Hozir jinoyatchi qo‘lga olinib, so‘roq qilinmoqda.