O‘zbekiston delegatsiyasi Ashxabodda bo‘lib o‘tadigan xalqaro konferensiyalarda ishtirok etadi

O‘zbekiston Respublikasi Tashqi ishlar vaziri Abdulaziz Kamilov boshchiligidagi delegatsiya 2017-yil 11-dekabr kuni Ashxabod shahrida bo‘lib o‘tadigan xalqaro konferensiyalarda ishtirok etadi. Bu haqda TIV rasmiy saytida xabar berildi.

Konferensiyalar “Xalqaro munosabatlarda betaraflik siyosati va preventiv diplomatiya: Turkmaniston tajribasi va uning ahamiyati”, “BMTning Markaziy Osiyo uchun preventiv diplomatiya bo‘yicha mintaqaviy markazi: Markaziy Osiyo bilan mintaqadagi tinchlik va taraqqiyotga yo‘naltirilgan hamkorlikning 10 yilligi” mavzularida bo‘ladi.

Shu kunning o‘zida Turkmaniston poytaxtida Markaziy Osiyoning besh davlati va Afg‘oniston tashqi siyosat idoralari rahbarlari uchrashuvi bo‘lib o‘tadi.