Latviyada mamlakatning eng badavlat kishilaridan biri Valeriy Maligin o‘limi yuzasidan jinoiy ish qo‘zg‘atildi

Latviya politsiyasi mamlakatning eng badavlat kishilaridan biri, Olainfarm kompaniyasi egalaridan biri Valeriy Maligin o‘limi yuzasidan jinoiy ish qo‘zg‘adi. Bu haqda “RIA Novosti” xabar bermoqda.

Maligin o‘tgan haftada 53 yoshida Yurmaladagi uyida olamdan o‘tdi. Jinoiy ish “Shaxs salomatligiga nisbatan jinoiy harakatlar” moddasi bo‘yicha qo‘zg‘atilgan.

Tekshiruv tafsilotlari, shuningdek, tadbirkorning o‘limi sabablari ma’lum qilinmadi.

Ma’lumot uchun, Valeriy Maligin Latviyaning badavlat kishilari ro‘yxatida 70 million yevro miqdoridagi mol-mulk bilan 7-o‘rinda qayd etilgandi.