Ispaniyadagi aeroportda yuk mashinasi avtobus bilan to‘qnashib ketdi

Ispaniyadagi Tenerife aeroportida yuk mashinasi va avtobusning to‘qnashishi oqibatida bir necha kishi jarohatlandi, deb xabar beradi “TASS”.

Hodisa 10-dekabr, yakshanba kuni ro‘y berdi. Avtobus Jet2 aviareysi yo‘lovchilarini samolyotdan aeroport terminaliga olib ketayotgan edi.

Shotlandiyaning Glazgo shahridan Tenerife aeroportiga kelib qo‘ngan samolyot yo‘lovchilari avtobusga o‘tirib, terminal tomon harakatlanayotgan edi. Shunda avtobus beton bloklarni olib ketayotgan yuk mashinasiga borib urildi.

Bir necha kishi shifoxonaga yotqizilgan, biroq ular jiddiy jarohat olmagan.