BMT bosh kotibi: Inson huquqlari deklaratsiyasi tamoyillari butun dunyoda sinovlarga duch kelmoqda

1948-yilda qabul qilingan Inson huquqlari umumjahon deklaratsiyasi tamoyillari butun dunyoda turli sinovlarga duch kelmoqda. BMT bosh kotibi Antoniu Guterrish 10-dekabr — Inson huquqlari kuni shunday bayonot berdi, deya ma’lum qildi “Gazeta.ru”. 

“Inson huquqlari va ularni himoya qilayotganlarga nisbatan ekspluatatsiya va tarqoqlikdan foyda chiqarib olishni istagan odamlar tomonidan dushmanlik ortib borayotganini ko‘rmoqdamiz. Nafrat, betoqatlik, shafqatsizlik ko‘rinishlari va boshqa jinoyatlarni ko‘ryapmiz. Bu haraqatlar barchamizga tahdid tug‘dirmoqda”, — dedi Guterrish.

BMT bosh kitobi inson huquqlariga rioya etilishi uchun muntazam ravishda xavfli kurash olib borayotgan huquq himoyachilarining jasoratini e’tirof etdi.