O‘zbekistonlik oshpaz London restoranida dunyodagi eng qimmatbaho kabobni pishiradi

O‘zbekistonlik bosh oshpaz Bekzod Hamroqulov narxi 1200 dollar bo‘lgan dunyodagi eng qimmatbaho kabobni tayyorlash bilan shug‘ullanadi, deb yozadi My Day. Ushbu kabobni Londondagi Hazev turk elita restoranida tatib ko‘rish mumkin.

Taomni pishirishda Yaponiyadan keltirilgan marmar mol go‘shti, erkin o‘tlatib boqilgan qo‘zi va buzoq go‘shti, fransuz pishlog‘i, kabachki guli, rayhon, Quddus artishogi, 25 yillik sirka va maxsus zaytun yog‘idan foydalaniladi.

Asosiy taomnomaga kiritilmagan kabob maxsus buyurtma bo‘yicha pishiriladi va bu sizga 1200 dollarga tushadi.