“San’at” guruhining “Qaynona” filmi qo‘shig‘iga ishlagan klipi ozarbayjonliklar e’tiboriga tushdi (video)

O‘zbekistonning “San’at” musiqiy guruhi taniqli Ozarbayjon filmi — “Qaynona”dan olingan qo‘shiqqa ishlagan klipini taqdim etdi, deb yozadi Ozarbayjonning “Day.az” nashri. Yumorga boy klip syujetida komediyali film lavhalaridan ham foydalanilgan.

“Ozarbayjonning ‘Qaynona’ filmi O‘zbekistonda taniqli va ommabop, u o‘zbek tiliga dublyaj qilingan va mahalliy televideniye orqali tez-tez efirga uzatiladi”, — deyiladi xabarda.

Shuningdek, “San’at” guruhi avval ham Ozarbayjon musiqasidan foydalangani tilga olingan. Guruh 2015-yil yozida “Arshin mol olan” operettasidagi qo‘shiq asosida “Dengi yest” klipini chiqarganligi, xonanda Shahzoda esa o‘z klipida “Qaynona” filmi syujetidan foydalanganligi aytib o‘tilgan.