Samsung Galaxy A8+ (2018): ilk “jonli” video paydo bo‘ldi (video)
Yaqin haftalar ichida Samsung Galaxy A lineykasidagi ikkita yangi smartfon taqdim etilishi kutilmoqda, ammo A8+ (A8 ning kattalashtirilgan versiyasi)ni “jonli” videoda barcha detallari bilan birga hoziroq tomosha qilish mumkin, deb yozadi Hi-Tech Mail.Ru.
Samsung ushbu romsiz arzon smartfonni hali rasman namoyish etmagan bo‘lsa-da, Galaxy A+ (2018) 3 daqiqali videoda namoyon bo‘ldi, unda qurilmani har tomondan tomosha qilish mumkin. Bundan tashqari, video muallifi smartfonning barcha xususiyatlarini oshkor qildi.
Qurilma 6 dyuymli va 2220?1080 pikselli AMOLED full HD Infinity ekrani, Samsung Exynos 7885 protsessori, 6 Gb tezkor va 64 / 256 Gb doimiy xotira, 16 megaikselli asosiy hamda 16 va 8 megapikselli qo‘sh old kamera, 3500 mA/soat sig‘imli akkumulyator (tezkor zaryad olish funksiyasi bor)ga ega bo‘ladi.
Smartfon suv va changdan himoya bo‘yicha IP68 sertifikatini oldi. Unda barmoq izi datchigi orqa panelda joylashgan.
Xabarlarga ko‘ra, Galaxy A+ (2018) dekabr oxiridayoq ko‘pchilik mamlakatlarda sotuvga chiqadi, uning narxi 600 dollarni tashkil etadi.