Brent nefti bahosi bir barreli uchun 65 dollardan oshdi

Brent turidagi neft bahosi bir barreli uchun 65 dollardan oshdi. Bu haqda “RIA Novosti” xabar bermoqda.

London birjasidagi savdolarda yanvarda yetkazib beriladigan Brent turidagi neft qiymati 0,52 foizga ko‘tarildi va bir barreli uchun 65,24 dollarni tashkil etdi.

Neft narxiga AQShda burg‘ulash qurilmalari soni ortgani haqidagi ma’lumotlar ma’lum darajada bosim o‘tkazayotgani bildirilmoqda. Yil mobaynida ularning soni 307 taga yoki 1,5 barobar ko‘payib, 931 taga yetgan.