Farg‘onada imomlar jinoyatchilikka qarshi kurashish borasida tushuntirishlar olib bormoqda

Farg‘ona viloyatida huquqbuzarliklar profilaktikasi va jinoyatchilikka qarshi kurashish borasida belgilangan vazifalar ijrosini ta’minlash maqsadida imom-xatiblar ishtirokida qator ishlar yo‘lga qo‘yildi, deb xabar beradi Farg‘ona viloyati vakilligi sayti.

2017-yilning dastlabki 10 oyida sodir etilgan qotillik jinoyatlarining 165 tasi er-xotin va qaynona-kelinlar o‘rtasida, 66 tasi qo‘ni-qo‘shnilar o‘rtasida oddiygina maishiy kelishmovchiliklar oqibatida kelib chiqqan.

Ayni vaqtda Farg‘ona shahrida faoliyat olib borayotgan imom-xatiblar joylardagi hokimlik, huquq-tartibot idoralari, mahalla va barcha jamoat tashkilotlari vakillari bilan hamkorlikda uyma-uy yurgan holda aholi muammolarini o‘rganib, xalq bilan yuzma-yuz muloqot o‘tkazmoqda.

Imom-xatiblar bugungi kunda oilaviy ajrimlar, er-xotin va qaynona-kelinlar o‘rtasida uchrab turgan salbiy holatlar aslida millat sha’ni va islom dini ta’limotlariga munosib emasligi haqida ham to‘xtalib, oyat-u hadislar va jonli misollar yordamida tushuntirishlar olib borilayotgani ta’kidlanadi xabarda.