Pavel Durov Telegram’ni 5 milliard dollarga sotishdan bosh tortdi

Telegram messenjeri asoschisi uni hech qanday pulga sotilmasligini ma’lum qildi. Bu haqda Bloomberg’ga tayanib, “Korrespondent.net” xabar berdi.

“Hatto 20 millard dollarga ham sotilmaydi. Bu bir umrlik kafolat”, — dedi u.

Durovning so‘zlariga ko‘ra, unga Telegram’ni sotish borasida Kremniy vodiysidagi ko‘plab yirik investorlardan bir necha bor takliflar tushgan, biroq u bu kabi takliflarni keyinchalik ham rad etish niyatida. Messenjerning narxi 3—5 milliard dollar orasida edi, deya ma’lum qildi Telegram asoschisi, xaridorlar nomini oshkor etmagan holda.