» » O‘zbek jurnalistlari korrupsiyaga qarshi kurashda ishtirok etyaptimi?

O‘zbek jurnalistlari korrupsiyaga qarshi kurashda ishtirok etyaptimi?


Milliy matbuot markazida O‘zbekiston jurnalistlari ijodiy uyushmasi tomonidan Respublika Bosh prokuraturasi bilan hamkorlikda “Korrupsiyaga qarshi kurashda ommaviy axborot vositalarining o‘rni: yutuq va vazifalar” mavzuida seminar tashkil etildi. Unda o‘zbekistonlik jurnalistlarning korrupsiyaga qarshi kurash jarayonidagi ishtiroki muhokama qilindi, deb xabar beradi O‘zA.

Jurnalistlari ijodiy uyushmasi raisi S. Hakimov, uyushma qoshidagi huquqiy jurnalistika kengashi raisi, “Nuroniy” gazetasi bosh muharriri O. O‘sarov, Bosh prokuraturaning uyushgan jinoyatchilik va korrupsiyaga qarshi kurashish boshqarmasi prokurori K. Musoshayxov, O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi direktori vazifasini bajaruvchi L. Suvonov korrupsiya profilaktikasida ommaviy axborot vositalari mas’uliyatini oshirish lozimligiga e’tibor qaratdi.

Tadbirda aytilishicha, tegishli tashkilotlar tomonidan o‘tgan davr mobaynida 700 dan ortiq targ‘ibot tadbiri, tadbirkorlar bilan uchrashuvlar tashkil etildi. Ularda aholiga, xususan, tadbirkorlarga korrupsiyaning oldini olish, o‘z huquq va manfaatlarini himoya qilish borasida ma’lumotlar berildi.

Tadbirda O‘zbekiston Respublikasining “Korrupsiyaga qarshi kurashish to‘g‘risida”gi qonunida ommaviy axborot vositalarining korrupsiyaga qarshi kurashda ishtirokiga ham alohida e’tibor qaratilgani, shu ma’noda bugun ommaviy axborot vositalari vakillari jamiyatimiz taraqqiyoti yo‘liga g‘ov bo‘layotgan bu illatning oldini olishda faol ishtirokchiga aylanishi lozimligi ta’kidlandi. Mavzu yuzasidan ma’ruzalar tinglandi.

Опубликовано: admin (12-12-2017, 23:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 41) ( 0) ( 39) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют