OAV: FQB xodimlari o‘zaro yozishmalarda Trampni “tentak” deb atagan

Rossiyaning AQShdagi prezidentlik saylovlariga aralashuvi bo‘yicha tekshiruv olib borayotgan maxsus prokuror Robert Myuller guruhida ishlagan FQBning ikki xodimi o‘zaro yozishmada Donald Trampni “tentak” deb atagan. Bu haqda Politico ma’lum qildi, deya xabar beradi “TASS”. 

Nashrga ko‘ra, gap guruhni bir oy avval o‘z ixtiyori bilan tark etgan hamkasbi Liza Peyj bilan yozishmalari uchun chetlatilgan FQB sobiq xodimi Piter Strjok haqida ketmoqda.

Ularning yozishmalari Tramp davlat rahbari etib saylanguncha amalga oshirilgani bildirilmoqda. 

Strjokning Myuller guruhidan bo‘shatilishiga aynan qanday omillar sabab bo‘lgani oldinroq bildirilmagandi.