Taniqli shaxslar maktabda masxara qilingan bolani qo‘llab-quvvatlash fikridan bosh tortdi

Ijtimoiy tarmoqlar foydalanuvchilari Tennessi shtatida yashovchi o‘smir, burni kattaligi uchun maktabda tahqirlangan Kiton Jonsni qo‘llab-quvvatlash fikridan bosh tortdi. Bu haqda Afisha Daily xabar bermoqda.

Ularning bunday qarorga kelishiga Kitonning oila a’zolari bilan birgalikda irqchilar bayrog‘ini ushlab suratga tushgani sabab bo‘ldi.

Kitonning videomurojaatidan so‘ng ijtimoiy tarmoqlar foydalanuvchilari uning onasi Kimberlining sahifasida irqchilar bayrog‘ining suratini topdi. Shundan so‘ng uni qo‘llab-quvvatlagan aksariyat taniqli shaxslar bu boradagi fikrini o‘zgartirgan.