Ekvadorning sobiq vitse-prezidenti Odebrecht ishi bo‘yicha 6 yil qamoq jazosiga hukm qilindi

Ekvador sudi oktabr oxirida lavozimidan chetlatilgan mamlakat vitse-prezidenti Xorxe Glasga 6 yil qamoq jazosi va 33 million dollar jarima jazosi tayinladi. Bu haqda “RIA Novosti” xabar bermoqda.

Glas Odebrecht ishi bo‘yicha hukm chiqarilgan bunday darajadagi birinchi mansabdor bo‘ldi.

Prokuraturaga ko‘ra, Glas Ekvador iqtisodiyotining muhim sohalarida 5 ta davlat shartnomasini taqdim etgani uchun Braziliyaning Odebrecht qurilish kompaniyasidan 13,5 million dollar pora olgan.

Ushbu ish bo‘yicha Glasdan tashqari yana 12 kishi, jumladan, uning amakisi so‘roq bermoqda.