Al-Beruniy nomidagi madrasada siyrat va hadis musobaqasi o‘tkazildi

Muhammad ibn Ahmad al-Beruniy nomidagi o‘rta maxsus islom bilim yurtida Muhammad payg‘ambar (s.a.v) tavallud topgan oy munosabati bilan talabalar o‘rtasida siyrat va hadis musobaqasi bo‘lib o‘tdi. Bu haqda O‘zbekiston musulmonlari idorasi matbuot xizmati ma’lum qildi.

Qur’on tilovati bilan boshlangan musobaqada talabalar “Rasululloh sollallohu alayhi vasallamga maktub”, “Hadis bilimdoni”, salavot aytish va siyratga oid savollardan iborat 4 ta shart bo‘yicha bellashdi.

Musobaqa natijasiga ko‘ra, 1-o‘rin 3-kurs, 2-o‘rin 4-kurs va 3-o‘rin 2-kurs talabalariga nasib etdi. G‘olib jamoalarga madrasa rahbariyatining qimmatbaho sovg‘alari topshirildi.