Saudiya Arabistonida ayollarning sudya bo‘lib ishlashiga ruxsat berilishi mumkin

Saudiya Arabistonida Majlis ash-Shura (Maslahat kengashi) ayollarning sudya bo‘lib ishlashini taqiqlovchi qonunga tuzatishlarni taklif qildi, deb yozadi “RIA Novosti” mahalliy yangiliklar portaliga tayanib.

Nashr manbalari aniqlik kiritishicha, taklif sud tizimi haqidagi qonunning 31-moddasiga lavozimga tayinlashda “jins bo‘yicha diskriminatsiya”ni bekor qiluvchi tuzatish kiritishni ko‘zda tutadi.

Bu esa huquq, shariat va hujjatlar almashinuvi fakultetlarini bitirgan qizlar uchun yaqin vaqtlar ichida umumiy yurisdiksiya sudlarida sudya bo‘lish imkoniyatlarini ochib beradi.