Janubiy Koreya prezidenti Xitoy bilan munosabatlarida yangi davr boshlanishiga umid bildirdi

Janubiy Koreya prezidenti Mun Chje In Xitoyga tashrifi yakunlari bo‘yicha ikki davlat munosabatlarida yangi davr boshlanishiga umid bildirdi. Bu haqda “Interfaks” xabar bermoqda. 

“Janubiy Koreya fuqarolari va biznes yetakchilarida ikki davlat o‘rtasida yondashuvlardagi farqlar tufayli yuzaga kelgan murakkab vaziyat o‘zgarishi va o‘zaro munosabatlarda yangi davr boshlanishiga ishonch mavjud”, — dedi prezident. 

Mun Chje In Xitoyda lavozimini egallagandan keyingi ilk tashrif bilan bo‘lib turibdi. 

Kuzatuvchilarga ko‘ra, Xitoy raisi Si Szinpin bilan muzokaralarning asosiy mavzusi Koreya yarim orolida keskinlikni kamaytirish masalasi bo‘ladi. Janubiy Koreyada AQShning THAAD havo hujumidan mudofaa tizimi joylashtirilishi esa qizg‘in munozaralarga sabab bo‘lishi kutilmoqda.