Britaniya vakillar palatasi bosh vazirga Brexit bo‘yicha shartnomani parlament bilan kelishish majburiyatini yukladi

Buyuk Britaniya vakillar palatasi Brexit haqidagi qonunga o‘zgartirish kiritish loyihasini ma’qulladi. Bu haqda “Korrespondent.net” xabar bermoqda.

Mazkur loyihaga ko‘ra, mamlakatning Yevropa Ittifoqi tarkibidan chiqishi haqidagi shartnoma avval parlament tomonidan ma’qullanishi lozim. Buni yoqlab 309 kishi ovoz berdi, 305 kishi qarshi chiqdi.

Ekspertlar ushbu qaror Bryusselda 15-dekabr, juma kuni boshlanadigan Brexit bo‘yicha muzokaralarning navbatdagi raundidan oldin bosh vazir Tereza Mey mavqeyini jiddiy ravishda susaytirishini bildirmoqda.