Yevroittifoq Rossiyaga qarshi sanksiyalarni uzaytirish bo‘yicha qaror qabul qildi

Yevroittifoqqa a’zo davlatlar yetakchilari 14-dekabr, payshanba kungi yig‘ilishda Rossiyaga qarshi iqtisodiy sanksiyalarni uzaytirish bo‘yicha qaror qabul qildi. Bu haqda Yevrokengash raisi Donald Tusk ma’lum qildi, deya xabar beradi “RIA Novosti”.

Sanksiyalar o‘zgarishlarsiz 6 oyga uzaytirilishi bildirilmoqda.

“Yevroittifoq Rossiyaga qarshi iqtisodiy sanksiyalar uzaytirilishini yakdillik bilan yoqlamoqda, — deya yozdi Tusk Twitter’dagi sahifasida.

Endi mazkur sanksiyalarni Yevroittifoq kengashi ma’qullashi kerak. Bu yuzasidan qaror kelgusi haftada qabul qilinishi kutilmoqda.