Sankt-Peterburgda terakt uyushtirish uchun portlovchi uskuna tayyorlagan odam hibsga olindi

Sankt-Peterburgning Viborg tuman sudi IShIDga a’zolikda gumonlanayotgan Yevgeniy Yefimovning hibsga olinishiga ruxsatnoma berdi. Bu haqda “RIA Novosti” xabar bermoqda.

Rossiya Federal xavfsizlik xizmati tomonidan ushlangan odam IShID nomidan 17-dekabr kuni Peterburgda terakt uyushtirishni rejalashtirgani aytilmoqda.

Jinoyatchi buning uchun portlovchi uskunalar tayyorlayotganida qo‘lga olingan.

Tergov natijasida ma’lum bo‘lishicha, u 17-dekabr kuni shahardagi Qozon soborini portlatib yubormoqchi bo‘lgan.