Rossiyalik erkak ulfatiga yuz marta pichoq urdi

Rossiyaning Arxangelsk shahrida mast holda o‘ta vahshiy qotillik sodir etgan shaxsga nisbatan tergov harakatlari amalga oshirildi. Bu haqda “RIA Novosti” xabar bermoqda.

Voqea shu yilning 2-iyulida ro‘y bergan edi. Tergov shu paytgacha davom etdi.

Tergov natijasida ma’lum bo‘lishicha, o‘sha kuni ikki ulfat mast holda janjallashib qolgan. Jinoyatchi do‘stidan ranjib, qo‘liga pichoq olgan va unga yuz marta zarba bergan.

Voqea qotilning uyida ro‘y bergan. Marhum uyning poli kirligini aytgani jinoyatchining asabini buzgan.

Jinoiy ish “o‘ta vahshiylik bilan sodir etilgan qotillik” moddasi bo‘yicha ko‘rib chiqilmoqda.

Psixologiya-psixiatriya ekspertizasi jinoyatchining ruhiy sog‘lom ekanligini ko‘rsatdi. Shundan so‘ng ish sudga oshirildi.