Qo‘shko‘pirdagi 13 mahallada 10 oyda biror jinoyat sodir etilmadi

Xorazm viloyati Qo‘shko‘pir tumanidagi 13 mahalla fuqarolar yig‘ini hududida joriy yil boshidan noyabr oyiga qadar birorta ham jinoyat sodir etilmagan, deb xabar beradi O‘zA.

Yil boshidan buyon ta’lim muassasalarida 1 ming 328 marta “Davomat” tadbirlari o‘tkazilgan. Dars mashg‘ulotlariga sababsiz qatnashmayotgan 100 o‘quvchi darsga qaytarilgan.

Bu borada o‘ta mas’uliyatsiz bo‘lgan 118 nafar ota-onaga ma’muriy va 20 ta’lim muassasasi rahbariga nisbatan intizomiy jazo choralari qo‘llanilgan.

Shuningdek, Qo‘shko‘pir, Xiva tumanlari va Xiva shahrida oilalar, mahallalar, korxona-tashkilot va muassasalarda aniqlangan kamchiliklarni bartaraf etish, iqtisodiy va ijtimoiy jihatdan orqada qolayotgan mahallalarni rivojlantirish borasida ko‘plab ishlar amalga oshirildi.