Bitkoin kursi 19 ming dollardan oshdi

CoinMarketCap portali ma’lumotlariga ko‘ra, bitkoin qiymati 19 ming dollardan oshdi, deb yozadi “Gazeta.ru”.

16-dekabr, Toshkent vaqti bilan 21:14 da kriptovalyuta qiymati 19,06 ming dollarga tenglashgan. 22:41 da esa bitkoin qiymati 18,89 ming dollarni tashkil etdi.

Avvalroq bitkoin fyucherslari savdolar ochilgandan so‘ng 20 foizdan ortiqqa o‘sganligi haqida ma’lum qilingan edi.