Putin MDHga a’zo davlatlarning maxsus xizmatlari boshliqlari bilan uchrashdi

Rossiya prezidenti Vladimir Putin 19-dekabr, seshanba kuni MDHga a’zo davlatlarning xavfsizlik organlari va maxsus xizmatlari boshliqlari bilan uchrashuv o‘tkazdi. Bu haqda Kreml matbuot xizmati xabar bermoqda.

Putinning matbuot kotibi Dmitriy Peskovning uchrashuv arafasida qayd etganidek, “xavfsizlik organlari va maxsus xizmatlar boshliqlari o‘z faoliyatlari haqida Rossiya prezidentiga ma’lumot beradi”.

Peskovning alohida qayd etishicha, bu Putin va MDHga a’zo davlatlar maxsus xizmatlari rahbarlarining “bunday ko‘rinishdagi ilk uchrashuvi emas”.

Avvalroq Putin MDHga a’zo davlatlar xavfsizlik organlari va maxsus xizmatlari boshliqlari kengashining 43-majlisi qatnashchilariga tabrik yo‘llagan edi.